Әр заманның қасиетін патшаның пәрмендігі айқындайды

      2019 жылдан Қасым-Жомарт Кемелұлы  Тоқаев ел билігін өз қолына алғаннан бері елімізде көп жылдары қалыптасқан жүйе түбегейлі өзгеріп Қазақстан жаңа тұрпатты елдер қатарына қосылып келеді. Әрине мұны кім қалай түсініп бағалауы өзінің жаңа заманға сай бейімделген көрегендік көзқарасы тәлімі мен тәрбиесі, қабілеті айқындамақ. Атам қазақ: «Жақсы адам мен Жаман адам айырмашылығы ой-пиғылында» деуі де содан…  
     Қазақтың әрбір ұрпағы өзін ұлы халықтың ұлағатты ұл-қызымыз деп кәміл сеніп өсу қажет.
   Сонда ғана олардың ой санасы орамдылығымен әр нәрсенің тек жақсы жағына оңтайлы шешім қабылдайтыны өмір шындығы.
  Сонымен Қ.Тоқаев не өзгертті:
Ең бастысы - Ата заңымызға жалпыхалықтық референдум арқылы түзетулер енгізді;
- Саяси реформалар жан-жақты өзгеруі жолына бар мүмкіндіктер жасап берді.
- Парламенттің құзыры кеңейді;
-Үкіметтің жауапкершілігі артты;
-Адам құқықтарын қорғау жүйесі жақсарды;
-Конституциялық сот құрылды;
-Қандай да шешім қабылдау үдерісіне азаматтардың белсене қатысуына жол ашылды;
-Жергілікті билік түбегейлі жаңғыртылды;
-Үш жылдан астам уақыт ішінде ауыл әкімдерінің 72 пайызы жаңарды. Олардың үштен бірі-бұрын мемлекеттік қызметте болмаған азаматтар.
-Биылдан бастап барлық аудан әкімдерін халық тікелей өздері сайлайтын болады;
-Қоғамдық диалогтың жалпы үлгісін қалыптастырып өзара түсіністік пен құрмет бар жерде келісім болатынын дәлелдеп Ұлттық құрылтайда ел ертеңіне қажетті өзекті мәселелерді талқыға салып түйінін тарқатуды мақсат етті;
-Мемлекеттік жүйенің тірегі-салық реформасын қоғамдық талқылауға қойып халық үніне құлақ асты;
-Мемлекет қандай шараны не үшін қолға алып жатқанының мән-маңызын халық егжей-тегжейлі түсінсін жүзеге асуына бірлесе ат салысуына мүмкіндік жасап «Халықтың үніне құлақ асатын мем бағдарламаны» жүзеге асыруымен ел көңілінен шығып әлемге танылды.
-Еліміз-әлеуметтік мемлекет.Сол үшінде Қазақстанның бюджет қаржысының жартысынан көбі әлеуметтік салаға, білім беру, денсаулық сақтау салаларына салынатынын оларға инвестиция тартуды жүйелеп бұл біздің-конституциялық міндетіміз деп ашық айтып келеді.
     Өткендегі Ұлттық құрылтайда: «… Азаматтарымыз күнделікті тіршілікте көптеген қарапайым түйткілге тап болады. Оны елемей, назардан тыс қалдыру дұрыс емес екенін ескерген жөн. Бұл проблемаларды көтереміз ең бастысы, шешеміз. Мемлекет пен үкіметтік емесұйымдардың серіктестігі өзекті мәселелерді шешуге, жасампаз құндылық-тарды дәріптеуге және ұлттың жаңа сапасын қалыптастыруға ықпал етеді. Сондықтан да мемлекеттік әлеуметтік тапсырыстың тиімділігін арттыру үшін қазіргі заман талаптарына сай келетін жеке заң керек. Заң жобасы терең және жан-жақты сараптамадан өтуге тиіс.
     Ұлттық бірегейлігімізді нығайту жолында мәдениет саласы айырықша рөл атқарады. Әсіресе, төл мәдениетіміздегі Әз-Наурыз мейрамының орны бөлек. Мәдениет дегеніміз-жай ғана ғимараттар мен мекемелер емес. Бұл-ұлттық сана-сезімді жаhандық ауқымда нығайта түсетін мықты тұғыр. Бүгінгі таңда мәдениет және идеология саласы жасанды интеллектінің ықпалымен түбегейлі өзгере бастады. Адам факторы әлі де маңыздылығын жоғалтқан жоқ.
     Шын мәнінде, әр ел басқа жұрттан даму деңгейіне қарай озбақ. Жалпы, біз төл тарихымыз ға көкжиегі кең, тамыры терең өркениеттік көзқараспен қарауымыз керек. Бұл-өте маңызды. Қазір отандық тарих ғылымының және біздің зияткерлеріміздің алдында төл тарихымыз туралы түсінікті жаhандық өркениет тұрғысынан кеңейту міндеті тұр. Қазақ халқының әмбебап әрі бірегей өмірлік тәжірибесін толық ашып көрсету маңызды. Бұл қазіргі Қазақстанның миссиясын терең түсінуге септігін тигізеді. Көшпенділер өркениетінің бесігі болу дегеніміз-өз еліңнің өткенін есте сақтау ғана емес. Сонымен бірге, бұл-түрлі халықтар мен мәдениеттерді, дәуірлер мен кеңістіктерді ортақ игілік үшін жұмылдыру деген сөз. Тарихымыздың әр белесі бізге бөлінуді емес, бірігуді, қиратуды емес, жасампаз болуды үйретіп келеді. Сондықтан Ұлы дала жүрегі ретінде бүгін де өзінің тарихи миссиясын жалғастыра беруі керек.  Экономиканың барлық саласы және еңбек нарығы жасанды интеллектінің тікелей қатысуымен түбегейлі өзгеріп жатыр. Адамзат тіршілігі нің мәні мен қалыбы басқаша сипат алып барады. Осы орайда, инновациялар экономикасы деген жаңа құбылыс пайда болды. Онда өзгеше ойлау қабілеті, шығармашылық тұрғыдағы жаңашылдық және әлеуметтік дағдылар алдыңғы қатарға шығады. Цифрландыру және жасанды интеллект мәселелерімен жеке өзім айналасып жатырмын. Шетелдік мамандармен, кәсіпкерлермен кездесіп жүрмін. Жүздесулердің барлығы ресми жариялана бермейді. Бірақ бұл мәселе менің бақылауымда. Құзырлы органдар сарапшылармен және ІТ-мамандармен қоян-қолтық жұмыс істей отырып, артық шығындарды азайтуға, барлық саланың ашықтығын қамтама-сыз етіп, өнімділігін арттыруға арналған тың тәсілдер іздеп тауып, оны қолданысқа енгізіп отыруға тиіс. Бұл мәселені ерекше бақылауда  ұстаймын. Экономиканың барлық саласы на цифрлық технологиялардың енгізілуі еліміздің бәсекеге қабілетін арттыратын ең басты фактор болуға тиіс.
Көзбояушылық пен көпірме сөзге әбден тойдық. Енді оның сұрауы қатты болады. Біз бастама көтеріп, кейіннен оны ұмытып кетеміз. Бұл жазылмас дертке айналды. Біз ұлттық мүддемізді қорғау үшін алдағы уақытта да ұтымды әрі байыпты әрекет етуіміз қажет. Талай заманнан келе жатқан өкпе-реніштерден, өткенге құр мақтанудан және бәрін орынсыз сынап-мінеуден арылу қажет. Әлеуметтік масылдық пен саяси таяздыққа мейілінше жол бермеуге тиіспіз. Жаhанды белгісіздік жайлаған бұлыңғыр заманда бәсекеге барынша қабілетті болу үшін барлық жағынан кемел ұлт болуымыз қажет. Әр азамат мына бір қарапайым қағиданы терең ұғынуға тиіс: бір орында тұрып қалмай, үнемі өзін жетілдіре білген адам міндетті түрде табысқа жетеді. Бәсекеге қабілетті ұлт деніміз-осы»-деді.
     Мінеки біз оқырман қауымға президентіміз Қ.Тоқаевтың ел тұрақтылығы, тәуелсіздігіміздің тұғырлы болу жолындағы ұлы істері мен Ұлттық құрылтайда сөйлеген сөзінен халықтың сана сезіміне себепкер болып жаңа заманның талабына сай өзгеше көзқараспен қарау қажеттілігі туындап тұрғанын ұлттық мүдде ұлағаттылығымен жүзеге асыру жолында ынтымақ бірлікпен ең бастысы өскелең ұрпаққа үлгі өнеге көрсете білейік деген ой мен ортаға салып отырмыз.
     Қазіргі әлемдік және ел ішіндегі саяси ахуал ушығып тұрған кез біреулердің миссия мақсатын жүзеге асырып кетуіне оңтайлы жағдай тудыратынын ешқашан естен шығармауымыз қажет!